So'nggi yangiliklar

Audi elektromobillar orasida yurish zaxirasi boʻyicha yangi rekord oʻrnatdi

Audi A6 e-tron elektromobili qoʻshimcha quvvatlashsiz yurish masofasi boʻyicha rekord oʻrnatdi. Audi A6 Sportback e-tron quvvatlanmasdan 1338 km masofani bosib oʻtdi. Bu model uchun eʼlon qilingan maksimal 776 km yurish masofasidan ancha koʻpdir.
Audi elektromobillar orasida yurish zaxirasi boʻyicha yangi rekord oʻrnatdi. Ralli boʻyicha Yevropa chempioni Miko Marchik Audi A6 Sportback e-tron akkumulyatorining bitta quvvati bilan 1338 km yoʻl bosdi. Oʻrtacha energiya sarfi 100 km ga 7,09 kVt·soatni tashkil etdi.
Taqqoslash uchun: ushbu modelning aralash siklda eʼlon qilingan yurish masofasi 681 dan 776 km gacha. Marchikning taʼkidlashicha, sinov safari Polsha boʻylab umumiy foydalanishdagi yoʻllarda, baʼzan tigʻiz paytda, tirbandliklarda boʻlib oʻtgan.
Rekord safarda orqa oʻqida bitta elektr motori boʻlgan A6 Sportback e-tron Performance versiyasi ishlatildi. Uning quvvati 362 ot kuchiga, aylantiruvchi lahzasi 565 N·m ga teng. Avtomobil 100 km/soat tezlikka 5,4 soniyada chiqadi, maksimal tezligi esa 210 km/soatni tashkil etadi.
Avvalgi rekordni 2025-yilda Lucid Air Grand Touring 1205 km masofani bosib oʻtib oʻrnatgan edi.
Ushbu natija tufayli Marchik ham ichki yonuv dvigatelli, ham elektr kuch qurilmasiga ega avtomobillar boʻyicha Ginnes rekordlari sohibiga aylandi. 2025-yilda u Skoda Superb avtomobilida bitta yonilgʻi bakida bosib oʻtilgan maksimal masofa boʻyicha rekord oʻrnatgan edi. Oʻshanda u 100 km ga oʻrtacha 2,6 l yonilgʻi sarflab, 2831 km yoʻl bosishga muvaffaq boʻlgandi.

XORAZM AVTOTRANSPORT SAVDO BOZORI faoliyatini baholang




Ma'lumotlar jadvali


«    Ноябрь 2026    »
ПнВтСрЧтПтСбВс
 1
2345678
9101112131415
16171819202122
23242526272829
30 

Yil dasturi




Ma'lumotlar arxivi


Сентябрь 2026 (7)
Август 2026 (1)
Июль 2026 (1)
Сентябрь 2025 (1)
Октябрь 2024 (1)
Май 2021 (2)